جبتك لكنك حظي المقرود (مرزوق و سلطان) ...
 

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ مرزوق المقاطي مع الشاعر/ سلطان الهاجري ...




مرزوق المقاطي

بـ الله وش رايك يا ابن صاهود /:/ نعدها ولا نمشيها ..
اللي حصل عندي عليه شهود /:/ و النار تحرق رجل واطيها ..


سلطان الهاجري

انته تدورني و انا موجود /:/ اكحل عيونك لين نعميها ..
مقلطك على الشحم و العود /:/ يا راعي الثنتين ناسيها ..


مرزوق المقاطي

وش جبت جعلك ما تجيب الفود /:/ هاذي علومك و انت راعيها ..
هذاك فعل اهل الكرم و الجود /:/ و لا انت تبغاها و تخطيها ..


سلطان الهاجري

جبتك لكنك حظي المقرود /:/ الناس مدري ويش يرضيها ..
ما باقي الا الملح و البارود /:/ افتح سموعك لين توحيها ..


مرزوق المقاطي

حنا عشانك نبذل المجهود /:/ و انته على كيفك تسويها ..
ماني بـ كحلً فـ العيون السود /:/ كم كبدً اجرحها و اداويها ..


سلطان الهاجري

احسب حساب العيب و المنقود /:/ الناس بك صغرت هقاويها ..
حمولتك يا الحاشي المفرود /:/ تشيلها و لا توطيها ..


مرزوق المقاطي

ماني على درب الخطاء محدود /:/ و الناس نعرفها بـ اساميها ..
كلمتك بندً بين سبع بنود /:/ و الله مدري ويش اسميها ..


سلطان الهاجري

عليك شرهه من عيال العود /:/ تجيبها و لا توديها ..
كل الخطاء يا ريعها مسدود /:/ امزح و مزحاتك نمشيها ..





آتمنى ان يرتقي لـ ذايقتكم ... آخوكم/ بندر المقاطي




الطاروق حصري لـ منتدى الهيلا ...

صح لسان الشاعر مرزوق المقاطي
و

صح لسان الشاعر سلطان الهاجري


وبيض الله وجهك على النقل الطيب

الله الله



ومحاوره بين عمالقه مافيه مجامله


شكرا لك لكن انت بن غزائي ولا يورالي

لاهنت ع النقل بس بدايه الطاروق يقول يابن صاهود

هلا و غلا يا ابن جزاء و صح بدنك و وجهك ابيض و شرفني مرورك يا الغالي ..

هلا و غلا يا ابو مطلق العفو طال عمرك الله الله انا بن غزاي ما يورالك و شرفني مرورك يا الغالي ..

هلا و غلا يا سلطان ولا تهون طال عمرك و الله علمي علمك طال عمرك و شرفني مرورك يا الغالي ..

صحت السنة الشعراء


وسلمت على النقل

لا هنت على النقل الرائع. .،،..،،