للتواصل بعد الغياب ,, اليكم هذه المتواضعه رثاء في بناخي نشمي ناشي العتيبي الله يرحمه ويسكنه فسيح جناته

مرحوم يا كساب الامجاد مرحوم=انا اشهد انك يالبناخي فقيده
عز الله انك للثقيلات زيزوم= ليتك قعدة النا سنين مديده
ابكيك يا نشمي ولاني بمليوم = ويبكيك غيري والعباير شهيده
جاني خبر موتك وانا منه مصدوم=الكون ضاق وفاجعتنا شديده
اسوا خبر جاني وانا منه منجوم=اركى على كبدي سوات الوقيده
لكن ذا مقسوم والاجل محتوم=وذي سنة الله سنها في عبيده
يالله يا معبود يا حي قيوم=في جنتك عسى عضامه خليده
الموت حق ولا عن الموت معصوم=ابوك يا دنيا تعيسه زهيده
لو اضحكت لك يوم تبكيك في يوم=يا هني من زين العمل في رصيده

المشاركة الأصلية كتبت بواسطة غالب الذيابي (المشاركة 1265381) : : : : رحمة الله على المتوفى وصح لسانك على المشاعر الصادقه : : : :

المشاركة الأصلية كتبت بواسطة عزارم (المشاركة 1265382) لو اضحكت لك يوم تبكيك في يوم . . . . . يا هني من زين العمل في رصيده صح لسانك ياطيب الله يرحمه ويرحم جميع أموات المسلمين اللهم أجمعنا معه في الجنه يا أرحم الراحمين