الدمعه اللي دايمٍ داخل العين = كنيتها حتى تقطع حشايه
واخفيتها عن شوف الاقصا والادنين= والله يستر لاتطلع خفايه
واصيح صيحت من ولوه المعادين = واعلن خضوعه واعترف بالنهايه
وقتي محاربني وحرب الزمن شين = حرب الزمن مبقاء للابطال رايه
اصارع همومٍ عليه ملايين = من مبتدى يومي لتالي مسايه
ماذوق منها النوم والناس ممسين = اليا ادبرت هذي لهاذيك جايه
والمشكله معها ياكثر المعاوين = وكلن يزهب بندقه من ورايه
بعض العرب ماهم على مله ودين = ضارين بالنمه وكثر الوشايه
على القريب يصافقون الموازين = ومن بينهم يصبح سوات الدعايه
عليهم السنتن سوات السكاكين = ولاهي على نهج الهدى والهدايه
والرجل مايقرب من المسلك الشين = لمق الحكى لمطرزات العبايه
ولاني مفتش بعدها فالمواعين = تمنعني الشيمه وتبعد مدايه
انا مداي بعيد ماني مسيكين = مارفع على الجنب القرّيب عصايه
ابدي مبادي نادرات الشياهين = وراسي ماضريته على الانحنايه
لوكان من دنياي ذقت الامرين = انا الذي ذقت الشقا من صبايه
من عمر عشر سنين لين الثلاثين = وانا خويي في زماني شقايه
اعطتني الدنيا دروس ومضامين = وبالتجربه خذيت منها الكفايه
كفاية اللي عاش فوق الثمانين = وعنده على صكات بقعاء درايه

المشاركة الأصلية كتبت بواسطة فيصل مطر (المشاركة 1264121) صح لسانك يابوجلال رااااايع والقصيده رااااايعه والمعنى راااايع وكلك رااااايع تقبل مروري

المشاركة الأصلية كتبت بواسطة محمد الذيابـــي (المشاركة 1264147) ,, صح لساااانك، ولا هنت..

المشاركة الأصلية كتبت بواسطة عايض جزاء العصيمي (المشاركة 1264258) قصيده رائعه حقا الاسلوب جميل جداجدا تحياتي وتقديري لك