سلام الله على أهل المرجلة والمعرفة والطيب=سلام (ن)يشرح صدور الرجال ويجلي الغمة
بيوت العارفة من طبعها تترك طريق الريب=تقلط صدر كنها شيخ قوم كبر العمة

مادامنك مسلم والله اني لاغرقك ترحيب=ونعزم صوبك الهمة ونبغي منك الهمة
الا يالالكلبي خلك مع العالم سوات الذيب=وخلك مثل ابن واهب شرابه صافي الجمة

الايامرحبا بالي مع أصحابه يجي ويغيب=وأنا ا لي همتة تطلع ولاترضى سوى القمة
مانيب الذيب أنا النمر الذي كشر عليه النيب= مافك الذيب لامن شفته ألاشارب دمه

انا لاجيت اجيب علوم بالتربيع والتكعيب=ولاني بالذي لا شاف علم اخفيف(ن) خمه
يابو ناصر نعرفك ترمي وتخطي ولانت مصيب=وتلبس بشت يالصاحب وتنشب يدك في كمه

فرحة بجيتك فاعمر بنانا واترك التخريب=بدار الغربة يسر الولد شوفة ولد عمة
دمحنا الاولة فافلح قبل لاتوبك تتويب=ولاتحسد غني الناس يالفقران وتذمه

يابو ناصر ترا مايفيدك التبعيد والتقريب=تعرف اللي على يمناك لا من صرت بمهمه
تراني مستعد اقطع نسلكم ياعيال كليب=ولكني ليا شفت الضعيف مالتفت يمه

الا ياليتني يا اهل المعرفة دارين بالغيب=ما أسوق العود للي راس ماله شيشة وشمة
ذبحناكم مابقينا من الوهب بوسط شعيب=ياكود الي من الوهب تخشش في عباة امة