عبـدالـهـادي القـحـطـانـي:=
فعل الوفاء مايجحده كـود خايـب=واللي يشوف الطيـب لازم يعـده
يامبتدي بالطيـب مابـه غرايـب=طيب الفتى من طيب خاله وجـده
وانته ورثت الطيب من راس شايب=طيبـك نشوفـه للنشامـا تمـده
تسلم يمينك ياعطيـب الضرايـب=مـن مدنـا بالطيـب لازم نمـده

ابو عبدالله الثعلبي: =
يامرحبا ماهلّ مزن النصايـب=بالصاحب اللي فاح مسكه ونده
الطيب وآنا خوك ماهو بغايب=يبقى مع شرواك بدعـه ورده
مير العلوم احيان تاتي عجايب=واللي هقيته يختلف عن مرده
وانا بلعت المحقرة بالغصايب=وابدلتها يابو علـي بالمـوده
ماهو بعجزاً لانكـد الطلايـب=ونقوم في هده ونمسي بهـده
لكني ادري بالخيول النجايـب=وادري براس ٍ ضاري ٍ بالمخده
هذا ويبقى في الصداقة شوايب=ويبقى زميلك ملتزم عند حـده