الهيـــــــــــــلا *** منتدى قبيلة عتيبة - مرثيه في سعادة اللواء / ثواب بن صالح الجعيد

يارب حكمك فالمخاليق محسوب = ما عنه يا معبود صده ومجناب
اليوم جاني علم انا منه مرعوب = يا قو تاثيره و انا منه منصاب
ازريت اميز فكري اليوم مسلوب = من قوة الصدمه تغيرت مرتاب
ثواب ابن صالح رحل شي مكتوب = لـكن فقـدانه مصيبه بعـد غاب
ترجل الفارس عزاء كل مصيوب = كسّاب فعل الخير للطيب كسّاب
سيرة حياته شرّفت فعل واسلوب = يـحتار فيهـا كـل قارئ وكتّـاب
مـواقفه جـزله له الطيب منسوب = والطّـيبه يرقـى لها كل مرقـاب
مـرحوم ياشيخٍ مع الناس محبوب = فيك الخصال الطيّبه ذرب الانساب
مـرحوم يامن فك عائل ومنهوب = حلاّل بالافعال صعبات الانشاب
مـرحوم يا قـائد طوابير موهوب = سجل لك التاريخ في كل محراب
بنيت الك رمزٍ على العز و دروب = عز الصديق وعز داني والاجناب
ينعاك كـل مشببٍ قـرم لـهلـوب = كل العرب تنعاك ياعز الاقراب
ينعاك بيت ٍ للطحاطيح منصوب = والـعود الازرق للبـعيدين جـذّاب
ينعاك عكف دلال ووجار مشبوب = يجذب سناء ضوه عزيزين الاشناب
في مجلس ٍ من جاه محتاج مكروب = يلقى مع الجزلات معسول ترحاب
عسى العوض رؤسٍ حلاياه وتنوب = عيالٍ على دربه لهم وزن وحساب
يارب تجمعهم على خير مطلوب = والبيت قوه من قويات الاطـناب
ويارب جيره من لواهيب لاهوب = اغفـر ذنـوبه يارجاء كل طلّاب
واسقه من الريان يارب مشروب = في جنة الفردوس يارب الارباب
طالبـك ياغـفّار زلّات وذنـوب = تجبر عزانا وارحمه وانت توّاب