الهيـــــــــــــلا *** منتدى قبيلة عتيبة

- قصائد الأعضاء (http://www.otaibah.net/m/forumdisplay.php?f=10)

- - الحب وعذابه (http://www.otaibah.net/m/showthread.php?t=134861)

الحب وعذابه

الحب وعذابه

ياقلبي اللي في حبيبك تعذبت
لولا غلاه أقول يكفي عذابه
خليت لأجله كم درب وتجنبت
وسلمت قلبي لأجل حضرة جنابه
اليوم ماكني بحبه تسببت
ولا عطيت العمر ياخذ شبابه
نسيت كل الناس معه وتغربت
عقب أستلم قلبي بعد مارضابه
غامرت حبه يلعن أمه وجربت
تقول حط السحر داخل ثيابه
ماذقت نومي كم مره تقلبت
ودمعي على خدي وهمي سرابه
لأجله على ضروفي بصبري تغلبت
وشربت من كاس المراره شرابه
قمت آخذ أحساسه ويمه تقربت
وقفل طريق الحب وأغلق كتابه
صرت أندم الحسره على ماتشربت
مايدري عن الحب واللي جرابه
في مايسوي ضد حبه تعجبت
أعلن هذاك الحب ثم صك بابه
دايم على الوصل معه ماتغيبت
واليوم لازم يعترف وش غيابه
أما أعتذر بالصدق حتى تحسبت
ولا طويت الحب كامل زهابه

الشاعر حمود عبيد العازمي

الحب وعذابه

صح لسانك ياحمود

صح لسانك يالعازمى......بس ويش ذنب امه...اثرك زعول...وسع صدرك.

,,

صح لسااااانكـ مليوون

ولا تهوون,,

عايض صح بدنك يابو جزاء
الغضنفر صح بدنك تحياتي لك حول اللعنه على ام الحب في ساعة غضب متناسب
محمد الذيابي صح بدنك يامشرفنا وتحياتي لك على ابداعك

صح لسانك ياحمود
تقبل
مــــــروري

.
.
.
حمود
صح بدنك يامبدع
قصيده شامخه بشموخ صاحبها

فيصل صح بدنك يابو مطر تحياتي لك

جمال تسلم على ماتقول يابو مطر لك تحياتي

صح لسااااانك ي حمود العازمي جزله وانت اجزل