الخصر جوعان والردف امتعافي
 

يا بحور الشعر والا ياحروفه
اكتبيني شوق واهآتي قوافي

واعزفي من قسوة الـ آآه امعزوفة
وارسمي همٍ ورى الاضلاع خافي

وانت يا تاج الغلا مدري هنوفه
وحدك من الناس للخفاق كافي

يا رحيق الورد مدري يا طيوفه
يا ملاذ البرد والا يا منافي

واحدٍ يرتاح قلبي يوم اشوفه
ارمي همومي ليا شفته خلافي

الغنج به والتواضع في وصوفه
والدلع والحسن كله والعفافي

الجدايل ليلٍ يغطّي كتوفه
والوجه صبحٍ تجلّى للفيافي

وجمرتينٍ تشتعل حمرًا لهوفة
سلسبيل لعلة العشاق شافي

والنحر بستان تزهابه قطوفه
والخصر جوعان والردف متعافي

المسامع يا بعد روحي شغوفة
والمحاجر هلت من الدمع صافي

يا تصون القلب والا لا تلوفه
قد لفى قلبي من الآهات لافي

كم تجرعت المرارة والحسوفة
والثقايل شلتها مثل الخفافي

ابتلشنا بالزمان وفي صدوفه
مرةٍ يصفى لنا وامرار جافي

آآه يا جور الحبيب ويا ظروفه
والا تدري .. يا عسى الطرقة عوافي

صح السانكـــ

صح لسانك الطويل
تقبل مرووووري

,,



صح لسانك يا الطويل
وسلمت على القصيدة الجميلة,,,

حنا وش ذبحنا الا اللي مثل هذا


صح لسانك

تحياتي لك