حبيب ومستور العصيمي على وين؟
 

طاروق بين الشاعرين محمد السناني و مستور العصيمي
صيفية 1427هـ آمل أن ينال استحسان الجميع



محمد السناني





سلامي بعد صفو عتابه فريقيـن
فريقين والميـدان قصرالسلامـي
حبيب ومستورالعصيمي على وين
لو إستلحقوا معهم رشيد الزلامـي







مستور العصيمي





هلا مرحبا ترحيبةٍ تقضي الدين
معي محتسيها ماسرقها الحرامي
حبيب وأنا جينا نكحل لك العين
ومن غاب غاب ولايجيه الملامي







محمد السناني





يـدوم البقـا ياطيبيـن القوانيـن
وأنا لي نظر فأهل الثلاث الأسامي
مناوين ياعتيبه وش إللي مناويـن
أنا يالعصيمي مافقدت إحترامـي






مستور العصيمي




ولا يالسناني صرت مثل أم ظرفين
عيونك على المشرق وقلبك تهامي
ليا جيتنا يا ضيف تلقى خبر زين
ولن رحت جعلك في بعيد المرامي








محمد السناني





أنا يالعصيمي ماتقلـب بوجهيـن
لكن أنت ناسي فضل عشرين عامي
جوازك جديد وفيه نخلة وسيفيـن
وناوي تبرّى من شروط النظامـي





مستور العصيمي





تبان الرسالة من رمـوز العناويـن
علامك تجي ضامي وصدرت ضامي
ليا كان مال السيف مقضب وحديـن
يبي ينكسـر قـدام كسـر العظامـي








محمد السناني





أنا ما تياسر والجماعه ميامين
تفقد حزامك ياجويد الحزامـي
يقولون مابشهار غير المجانين
وقلبك على شأن المجانين حامي







مستور العصيمي




صبرنا على الأيام صبرالبعاريـن
وهالحينه إصحي بالقلوب النيامـي
أنا خابرك وأعرفك من عام الألفين
ولكن صبرك لين أتمـم صيامـي







محمد السناني




لياصارمافالرجل ذمـه ولاديـن
يبشـر بسوءالعاقبـه والختامـي
أنا خابرك من عام خمسه وتسعين
معنيّك مشوار الفـروت القدامـي [/color][/size]

الله الله


طاروق رائع

وشكرا لك ياقاسي العتيبي

صح لسان الشاعرين
وسلمت يميتك

,,


طارووق رائع لشعراء رائعين,,,