الهيـــــــــــــلا *** منتدى قبيلة عتيبة - مشاهدات من عرض إبل عتيبه اليوم في فئة الوضح خمسين

- منتدى مزاين أم رقيبة1433-1434 (http://www.otaibah.net/m/forumdisplay.php?f=111)

مشاهدات من عرض إبل عتيبه اليوم في فئة الوضح خمسين

أولا : حفلين قمه فالتنظيم والإستقبال والمكان والحضور

ثانيا : حضور مهيب وموكب ضخم رافق أبناء عتيبه من مخيماتهم إلى مكان العرض

**بدأت مسيرة المواط وكان معها جمع غفير جدا جدا .

ولكن عابها القصيده المراافقه والشيله لسعد اليامي الذي أتمنى ألا ينشد أي قصيده لعتيبه لاحقا

ألحان مكرره واداء بلا حماس.

** ثم مسيرة طويق وكان حضورها مهيب وكبير أيضا وإمتازت بأفضل قصيده وشيله من وجهة نظري فالمزاين هذا العام من كلمات مرزوق الثبيتي وأداء مهنا العتيبي كلمات قمه وفالصميم وأداء حماسي فاخر .

** تمنيت التنسيق بين طويق والمواط لتأخر أحدهم حتى يتسنى لجميع أبناء عتيبه بالمشاركه مع المنقيتين رغم أن الجميع ما قصر خصوصا من عرض مع المواط أولا وعند دخول المنقيه للعرض توجهوا لمنقية طويق ولو إن الوقت وجيز .

** أما من ناحية الأبل فكلها ما شاء الله تبارك الله والمراكز الأولى نصيبها بإذن الله .

,,

مشكووور على التغطيه يالغالي,,

ابوفايح

سلمت يمينك والله لايهينك وجعلهم علي القوه

افضل واكبر مخيمات في ام ارقيبة هذا العام

وحضور جماهيري كبير

عند المواط وطويق

بيض الله وجيهم

واما عن الشيلات على كلامك يابوفايح افضل شيلة وحماسية ورنانة شيلة ابل طويق

ولاتنس شيلات ابل خزام الشيباني من كلمات سفر الدغيلبي والشيله الثانية من كلمات عبدالله مشخص وكلها حماسية ورنانه

ولاهنت على مواكبة الاحداث

نقلت صوره حقيقيه نقديه لاهنت يا بو فايح

نتمنى لهما التوفيق للسيطره على نتائج هذه الفئه القويه

مشكور ابو فايح انا كنت موجود وكل عتيبه على قلب واحد
كادو الدواسر يتسببون في مشاكل وربك ستر تدخل العقلاء
بعد دخول الابل وقفو العتبان يسوون عرضه وحاولو الدواسر الدخول بالابل لكن كثره السيارات وزحمه الرجال
وبعدها تم فسح المجال للدواسر

بالتوفيق للعتبان والله تعبو الرياجيل لكن التعب منسي

لاهنت ابوفايح

على الاخبار الطيبه ونسأل الله التوفيق للجميع وبيض الله وجيهم ماقصروا

مشكور على التغطيه و نسأل الله التوفيق للجميع

ّ

بالتوفيق لجميع أبناء القبيله

المشاركين في المزاين .