السلام عليكم ورحمة الله وبركاته

جاني يقول الحـب ماوافـق الكيـف=يشكي لي من الحـب والحـب قتـال
خلانـي اعـدي بـروس المشاريـف=وجر من وجدي على الشـوق مـوال
وخلا دموعي فـوق خـدي مذاريـف=في ساعةٍ دمعـه علـى الخـد همـال
حي القصيد وحـي هـاك السواليـف=سوالـفٍ يطـرب لهـا كـل رجـال
مع صاحبٍ له عدة شهـور ماشيـف=غايب وغيبة صاحبي تبـري الحـال
وعزاه مـن قلـبٍ همومـه مراديـف=جرحه ونبضـه بيـن هـمٍ وغربـال
وروحٍ تناجيهـا كثيـر التحاسـيـف=تبني بهـا امـالٍ وتهـدم بهـا امـال
انـا عرفـت البعـد بعـد المواليـف=اشتاق والساعـه بـلا شوفـه لليـال
وش حيلتي لامرنـي عابـر الطيـف=اشتاق له واشتـاق ودروبـه اطـوال
ياحيف من طول المسافـات ياحيـف=لاصار خلك دونـه اطـوال الأميـال
مالي جدا الى اعـدي الشمـخ النيـف=واجاوب الورقاء على روس الاطـلال
والبارحـه دارت علـى الصواديـف=ولادري وش اللي قام يطري على البال
اذكر وليف الروح في تالـي الصيـف=واخر كـلامٍ ينطقـه يـوم لـي قـال
الحب يقتـل صاحبـه كنـه السيـف=وانـا عرفـت الحـب ظالـم وقتـال

وسلامتكم