يالله يارازق العالم ومحرمها=يامطول اعمار والا اعمار تفنيها
ارزاق خلقك على خلقك تقسمها=انفوس فقرتها ونفوس مغنيها
يامنعم المملكه في ظل حاكمها=وجعلت حكامها سترن لهاليها
ماعاد نفرق دجاجتها وصارمها=وسرحانها ينسرق من صوت ضاريها
ومن بعد ماشبعت وسمنت حمايمها=بالغدر في حرها كبرت هقاويها
وصارت تسميه باسماء ما يلايمها=وهو الذي عن سموم القيض حاميها
واتقول بإنه مع الايام يضلمها=وهو الذي حط للاحقان قاضيها
ماتحمد الله يوم انه مسلمها=وانعم عليها من النعمه ومرهيها
ولوكثرت اصواتها والا ندايمها=ماخاف ذيب الغداري من مواشيها
ولا ادري وش اللي معقدها وضايمها=ومدري عقول البشر وش حاصلن فيها
مدري تطلب من الدنيا جرايمها=والا طغى بعد ما كبرت ثناديها

المشاركة الأصلية كتبت بواسطة ذعير العالي (المشاركة 1259564) صح الساااااااااااااااااااااانك قصيده جزله من شاعر جزل وشكراً