سلامي سلام احلى من الزاد من عقب الصيام=ويفرح به اللي يطرق القافيه و فنونها
على راس بن سرحان شفنا من البارح غمام=سحابٍ ترازم رعدها في عروض مزونها

هلا مرحبا ترحيب بالطن ماهو بالجرام = يخلي محلات الذهب ينعكس قانونها !!
غيوم ٍتجي وتروح فوق الهبايب كل عام = على جرة ايتام ٍ وراهم عجوز بشونها !!

المشاركة الأصلية كتبت بواسطة فايز بن سرحان الثبيتي (المشاركة 1259353) مرحبا يابو سلمان وابرك الساعات " هلا مرحبا ترحيب بالطن ماهو بالجرام = يخلي محلات الذهب ينعكس قانونها !! غيوم ٍتجي وتروح فوق الهبايب كل عام = على جرة ايتامٍ وراهم عجوز بشونها !!

يدوم البقا والطيب من بيننا ذروة سنام=على جرة الجدان ما ننقصر من دونها
لكن الجماعه يلحقونك مشاريه وملام=تجنب عن اللي سلطة القوم في حاجونها

حقوق الرجال اتصان بالفعل ماهو بالكلام = وانا اشوم عن بعض الدعاوي وعن مضمونها !!
اعدي على راس الطويله وادق الها سلام = ولا همني فالناس \ ليلى ولا مجنونها !!

تقوله لكن الصف ياصاحبي فيه انقسام=رجال تبادلك الوفا ليش يوم تخونها
ليا كان يالماموم ماتتبع نهج الامام=صلاتك يجي فيها خلل في جميع ركونها

انا مادفع الرشوه ولا اكل من المال الحرام = حقيقه عسى خبول الرياجيل مايوحونها !!!
هوى النفس والشيطان تدفعك نحو الانتقام = وتقفي بشرهه كحلها مايسد عيونها !!

اصدق كلامك مير اشوفك تجي عكس النظام=تبا تمرةٍ من نخلةٍ يابسٍ عرجونها
مسالم واسالم واكره الحرب واحب السلام=لكن انت تسرق زبدة البدو من ماعونها