امغزى الحباب
 

بقى عند آل رشيد يام رجالين من آل العبد في مغازي وثارات مستمرّة بينهم كما هو الحال في ذاك الوقت بين قبيلة آل العبد و باقي قبائل يام مثل آل عرجا و آل فطيح وآل فهّاد وغيرهم

وفي يوم وآل العبد معودين من مخطار لهم صوب سوق الأحد في بلاد سنحان وحصل وعيّنوا راعية غنم وهم في دربهم وسمعها علي بن هادي بن دوكر وهي تقول " اس اس يا ضان جعلش الحُربث اللي يعقرش عقار آل رشيد آل العبد " , فنوخ البعير ودعاها وقال " خلي أبوش كردم يستعلم رد ذا اليوم " , وعطاها المقسوم من قهوة أو بُر كما هي العادة في ذاك الوقت عند البادية.

قال لـ اللي معه " سوقوا الرّكاب بحمولها وأنا قدني بسرح مع ذا الدّرب يبغى آل غانم ( آل لحاف و آل برقع ) في الجلال , ضواه الليل وهو في الدرب ووطى له سبع من الهوش كل ما عقر واحد حطه في حثاله حتّى صبّح آل غانم ورحبوا به واستعلموه وعلمهم وتهيّوا الرجاجيل للغزو.

كانوا آل رشيد حالين في طرف تثليث وهذا كان في صالح آل العبد . وسرحوا الرجاجيل وعددهم حسب الروايات بين 17 إلى 25 رجّال ( أكثرهم من آل برقع وآل لحاف وبعضهم من آل فايع ) وقيّلوا عند سعد بن هادي آل لخوير وبعد القيال طلبهم وقال " أنا طالبكم ما تقربون آل رشيد , قدهم قصرا , وتروكم مقروعين منهم لين تاصلون دياركم " .. قالوا " وإن اعترضونا ؟ " .. قال " بصركم " .

تباشروا الربع بحلال آل رشيد وقام واحد منهم يجفّل البل ويهج على الحلال وآل رشيد في روس المبادي يراقبون وفزعوا وحصل لهم ما بغوا.

تلاقوا القوم وتجازروا وحالوا آل رشيد على كبيرهم علي بن هادي بن دوكر يبغونه وكل ما زرقه رجال برمح اخترطه من يده واضربه به في نحره ويوم حالوا عليه وكثر فيه الطعن زهم في اللي حوله , قال مسعود بن هجول آل لحاف " ابشر والله بغمرٍ ما زهمته " ونطحوه اثنين مترادفين لهم على بعير يبغون يردونه وواحد منهم يقول " والله فيكم " .. فقال مسعود " وإلـا عيينا" فدق بالجنبيّة سلبة البعير وطاح البعير على قفاه وذبح الأول والثاني واخترط الرجال

وتجازروا لين ضواهم الليل وانسحبوا آل رشيد ورزق الله آل العبد بنوّة أسقتهم بعد أن كادوا يهلكون من الضّما , ويقولون والله ان مجرى السيل يخالطه الدم. وذبحوا آل العبد 8 وكوّنو 9 وقيل ذبحوا 13 رجال. ولم يُصب ذاك اليوم من ال العبد إلا خالد بن فرج آل فايع

كانت من العادات في ذاك الوقت أن تجز المرأة راسها في حال مقتل زوجها وكانوا آل رشيد معوّدين لـ ديارهم و قبلان بن عايض آل شعلة آل جميح قانصٍ في الجبل وشاف الشيفة وحول معى جوفة في الجبل ونشد له مرة وعلمته فـ قال قصيدة لم أجد منها إلا هذا البيت


حنّا آل زيد ترثة الحرب فـ اللقا .. كم كاعبٍ منّا تحسّن جعودها



* قبل الهيّة كان فيه ناصري حال معى فخيذة من آل رشيد ما حالوا معى ربعهم واجتمعوا يومٍ على عشاء وقال من اللي منكم معه حد , قال يامي " شه ذي الجنبيّة قد فيها اثنين من آل العبد " فضج الناصري وقال ربعنا وافين ولا بعد احتال فيهم حد فقال اليامي : ترانا مثل البعير الهايج اللي كل من جاه كلاه وبقت في خاطر الناصري وبعد ما عودوا ربعهم لقيهم الناصري وقالوا وش بلاكم قالوا : سواة ال العبد .. عدلوها من فلان قالوا ذبح وفلان قالوا كوّن .. فذب له راس مرقب وقال " يا فلان , عن البعير الهايج قد خصي "



- علي بن هادي بن دوكر ( الخفاجي ) من شيوخ قبيلة آل العبد وكبارهم
- الجلال من ديار آل العبد
- مسعود بن هجول آل لحاف : له كثير من الهيّات وأشهرها هية آل العبد والفهر عبيده وطعن فيها ابن شفلوت
- خالد بن فرج آل فايع
- سعد ين هادي آل لخوير آل سعد
- آل زيد وهم ال العبد وال جميح وال ناصر وال حسنا وال ملحان
- الكاعب وهي المرأة


منقول من موقع الحباب

,,



لا هنت يالغالي,,,


,,,

مسعود بن هجول آل لحاف : له كثير من الهيّات وأشهرها هية آل العبد والفهر عبيده وطعن فيها ابن شفلوت


هذا كلامك يالحبابي اولا مسعود فارس مطنوخ ماهو بحاجة شهادتك لانك ما تهمه زودت فيه ولا نقصت مسعود كفو اما قولتك انه طعن ابن شفلوت فمن المفروض انك ما تذكر ما صار بين قبايل قحطان من خصومات في منتدى وصرح كبير مثل منتدى عتيبة الهيلا هي اقرب لخصومات الاخوان وفي كل الاحوال مهما بلغ بن هجول من فروسية الا انه لا يقارن مع ابن شفلوت وانت عارف قصدي


لك تحياتي ونصيحة لا بغيت تنقل شي انقل شي يجملك ما هو يسود وجهك

الا سود الله وجهك يابجاد العافيه يالرخمه طلع لك لسان من تالي ان كان فيك خير قلها قدام وجيه الحباب يالعايب واما ابن شفلوت ونعم مايلحقه شكه لكن تقول مايقارن به مسعود بن هجول ال العبد تخسي وتعقب ذولا صبيان الحباب هل الحرب والجنايز وال العبد مخلاة طروقهم يالشوفه الله علم لو الله ثم الحباب وش كان سو بكم الاجناب

يا رجال رح بعبع في الوادي والحباب مطاليق وانت فسل انت لحالك ربعك نعم ربعنا وبني عمنا وانت صغير ذليل وبعدين وش كان بيسون الاجناب بنا ان كنت رجال حبابي صز فقل وش كان بيسوي الاحناب فينا هذا ان كنت مطلق وتطنخ من راسك عبيدة تاج على راسك والحباب وعبيدة عينين في راس ما يفرق بينهم جيفة مثلك

افا ياعوال الشايب اذكرو الله وخلو عنكم الكلام اللي مايودي ويجيب ونعم بالحباب ونعم بعبيدة وبكل القبايل اذكرو الله وعينو خير يالاجواد وترا هالقصص قديمه وابعدو عنكم التعصب الزايد
وعلى قولة بجاد الاحباب وعبيدة عينين في راس ومايفرقهم مثل هالامور ونعم بالجميع

ماجد ارحب وبيض الله وجهك وعبيده والحباب كلهم بني عم ومليون نعم في عبيده ربعنا لكن بعض الضعوف زين حقرانهم واسفهانهم

الله يسامحك يالحباب انت غلطت علي لكن الله يسامحك قرب المنديل يا ولد

ارحب يا ماجد ال مريتع من كلامك هذا يدل على ان انسان واعي ومثقف الله يوفقك ويجعل والديك في الجنة لكن الحبابي زل علي وانا بأكون احسن منه واسامحه لانه من كلامه صغير سن الله يوفقه

والله جابوا العيد
هههههههههه ههههههههه
قال الحباب
وبعد ان قال تفشل وفشل قحطان