طويت صفحت حبّكم يأبـن الاجـواد
...............ولاعاد لـي فـي باقـي الحب راده
الله ولاحـب(ن) سعوا فيه حـسـاد
...............وقفّت بـه الايـام والـهـجـر زاده
وردّيتهـا ردة معيـد(ن) علاعـمـاد
..........براسـه حمـاس وزايد(ن) بـه عـنـاده
ويشوف خصمه طب في ساحت الماد
...................واثـره قـديـم ولاتهـنـّا بـزاده
والحب مثل الـدرب للنـاس معتـاد
..............ولاينقطع مـن غيرصبـر وجـلاده
احد(ن) وقف دونه واحد طـوّل المـاد
...........ولاكل من طـوّل ياشـوف السعـاده
يمـر بسيوف (ن) صقيـلات وحـداد
.......ويسعى بهـا ناس (ن )تحـب الـقـراده
وتصلى الجحيم اللي لها صلـو وقـّاد
........وتشويك يا مسكيـن شـوي الجـراده