تطايح من الاشجار طيحات الاوراق
 

سلامي على اللي يحفظون المواجيب ** سلاما مثل شمس الضحى عند الاشراق

زمان العجايب مايعرف المــــــــــــعازيب ** تطايح من الاشــــــــجار طيحات الاوراق

صح لساااااااااااااانه

هلا مرحبا ترحيبت الذيب بالذيب=سقتها للزميل اللي سكن بالاعماق
زمان العولمة غازل كل الاعاجيب=والذهب ما عاد يرضي جميع الاذواق

علامك تغش وداخلك شـــــــــكه وريب ** وراعي المواقف دايما ادوم ســـــــــباق

وشمس العرب على العرب عيت اتغيب ** ومن حرها بعض البشـــــــــر ياولد ضاق

مرحبا يولد جبار ومرورك نور الصفحه

مرحبا يامشرفنا محمد و الله لايهينك

ضاق صدري وصدري جروحه ما تطيب=عسى الله يطيب خاطري بالانعتاق
كان ما شاب راسك بعد بكره يشيب=ونسمع خبركم يا ابن مرة فالابواق

وهون على نفســــك وذب المراقيب ** ومن باق يابوزيد ســــــــــــموه بواق

تقوله وجتني منك بعض المــكاتيب ** وهذا الخبر منشور في كل الاسواق

يا كثر اخباركم يا البدو بالمشاعيب=مير ويش العمل لاختلت بعض الاذواق
انت رجل ن مميز زادك الطيب طيب=والرجال الكريمة تميز بالاخلاق

تفضل على هونك ورد المــــناديب ** وخلك على ساقك ولا تثني الساق

كلامك محرف وربنا يعلـــــم الغيب ** وبيتك نرا محجوب لو مالــــه ارواق