مرحوم يامرزوق راع الوفاء دوم = فقيدنا راع العلوم الجزيله
صحيح مايجري على العبد مقسوم =والموت لاجاء العبد مافيه حيله
عساك ياراع الجزيلات مرحوم =في جنتن تحت الغصون الظليله
اقفا من الدنيا مقدر ومحشوم=ابو محمد من رموز القبيله
اخذت حول اسبوع ماجاني النوم =ماني مرجع حاجتن مستحيله
هاذي مقادير الدهر دايم الدوم =احدن تجي ضده واحد تستويله
ابوي رجالن بعيدن عن اللوم =مرزوق لاثقل الحمل يرتكيله
لاجاء على ربعه صواديف وعلوم =الحمل عنهم فالمواقف يشيله
ابوي زيزوم السرايا وزيزوم =يمناه في فعل الجمايل طويله
ببطي وانا عقبه مريضن ومهموم =يوم اذكره راع الفعول الجميله
ياطير ياللي فالسماء تكثر الحوم =من لارثاء في شايبه عزتيله
لاهوب لاظالم ولاهوب مظلوم =حاصل على كل الصفات النبيله
في مجلسه تلقى شغاميم وقروم =حاش المراجل كلها ضمن جيله
وصلاة رب البيت والحج والصوم =وغير الفرايض مايكب النفيله
وختامها عنبر وكادي ويشموم =يختمبها الشاعر هجوسه وقيله