الهيـــــــــــــلا *** منتدى قبيلة عتيبة - جـــــــــبال أبــــــــــــــــــــــــها

في جبال ابها جنوب المملكه شفت الزعامه
والثقل والحسن والعقل الرزين الله علاها
تقصر الخطوه شوي شوي وتزود بكرامه
ماخذينا ربع ساعه غير غيمتنا غطاها
قال حياك وتفضل من بنات أهل الشهامه
قدمنا الوادي هذا وبيوتنا قدمك وراها
قلت اخاف الناس تتكلم ونرجع في ندامه
قال من راقب كلام الناس يكثر له بلاها
سج رجلك والوفي لابد يعطونه وسامه
وانت بين من رجال الطيب دام الله وفاها
قلت من شوفت عيونك كن صايبني غمامه
استوى حبك مع اجبال الجنوب ومع حصاها
والنهايه موجز الشاعر يجي بأخر كلامه
وجعل دار الزين بمر الرب تسقى من سماها