الي يــدوس الناس لازم يداســي...!!
 

السلام عليكم ورحمة اللة وبركاته ...خير الكلام ماقلّ ودلّ ... مشاركه أخرى اتمنى ان تحوز علي استحسانكم.


وشـذكرك فيني بعد كل ما صار ... وما ظنتّي تنسى ولا نيب ناسـي
توّي دريت انّك مع الوقت غدّار ... لا واحسايف كيف نـزّلت راســــــي
امنوّلٍ تخطي ونا ارضى بالأعذار ... من كثر ماحبّك ولو كنت قاسـي
واشفق مـثل بدوٍ تشفّق للمطار ... تبغي الّحيا عقب الدهر واليباســي
عليك ياللّي جـاذبٍ كل الأنظـار ... ياقاتـلـي بعـيون سـودٍ انعاســـي
واليوم جتني منك انا كل الأخبار ... والي يــدوس الناس لازم يداســي
خلاص مالك عندنا اليوم مقدار ... ابعد وأنا أبعد ياعديم الأحساســي
واللّي يشبّ النار يصبر على النار ... أقولها مثل الجبــل دوم راســي

وسلامتكم...

صح لسااااااااااااااااااانك يالشامخ
ومليووووون صح لساااااااااانك
على هالقصيده الروعـــــــــه
وانا عارف كل شي رائع يجي منك
انا بصراحه حبيت اعلق على بيت
معين لكن لقيت كل بيوتك معبره اكثر
واحترت فعلا على اى بيت اعلق
هذا يدل على شي واحد
ان القصيده بكملهااا فى قمه لابداع
صح لساااانك ولالالاهنت يابدر

اخوك: بن زبون السيحاني

تقبل تحياتي

صح بدنك صح بدنك ولاانت ... وماعليك زود يالبناخي , وهذى شهاده من اخ كبير وافتخر فيها وهيّ الي راح تدفعنى للأمام ولتقديم المزيد ... وانت بحر وانا نقطه منك يالغلا ... ولاهنت علي هالرد الأكثر من رائع والذي سيدفعني لتقديم ماهو افضل من هذا ... وابرك الساعات يا السيحاني .

ابداع
 

مرحبا اخوي الشامخ

الصراحه قصيده كلها شموخ وتعبر عن شخصية قايلها
وحنا في انتظار جديدك

اختك @ عجايب @

يا مرحبا بك اختنا عجايب ... وأقدم كل الشكر لك علي مرورك بهالقصيده ... وإن كان فيه شئ بيدفعني لكتابة الجديد فهو كلامكم الذوق والردود الجميله ... وابشرو بالخير.

ولكم منّى فائق الاحترام والتقدير.

صح لسانك
 

قصيدة رائعة من شاعر رائع

شكرا اخوي الشامخ والله يعطيك العافية

صح لسانك يالذيب...
الرائع هو مرورك على هذه القصيده المتواضعه.

تقبل فائق الاحترام والتقدير.