ياقلب من غفوك ورى ماتفيقي=قدام لاركب الليالي تعداك
اتعبتني ياقلب وانشفت ريقي=اعلمك وتلقي العلم علباك
هذا كلامٍ فالعقل مايليقي=فتح عيونك زين وابصر بدعواك
واعرف ترى مابه صديق ورفيقي=وقتك هذا ماينفعك غار مخباك
الصاحب اللي فالرخاء لك صديقي=لاعتزتله في حزة الضيق خلاك
كم واحدٍ صداقته لك زريقي=قصده يدور غرتك لين يلقاك
يعطيك في وجهك كلامٍ رقيقي=وعند العرب عانه يذمك ويشناك
هذا الكلام الواقعي والحقيقي=معاد تعرف وش صديقك من اعداك
صداقة الايام ذي تعليقي=مغار قصة راعي مقيط ورشاك
خلك على ما قال بئرٍ غميقي=ماواحدٍ يدري عن اللي بجواك
ومن جنبك لاتعترض له طريقي=مالك ومال مجنبٍ راح مناك