يا من حقوقه شي واجب ومفروض= حقً علي اليا شكى ماتوانا
يشكي .وبرق الحب من فوقه ينوض = والحب مزنه مايفارق سمانا
اخذت فتره منه في جنه وروض = وعين الحسود الغايبه ماترانا
حبً نقي مافيه فاتل ومنقوض=دام الزمن يمشي على مابغانا
واليوم إخذ مني قصيده بمعروض=جواب شكوى اللي شكيته علانا
إذا حبيبك معك في لوح محفوظ=عليه من بنك المحبه ضمانا
أخلص معه لا تاخذ أيامك حظوظ=إسمع وأطع وإحذر تخيـّب رجانا
إحذر بذكره عند حسادك تخوض=الناس ماترشدك بر الأمانا
كم قصر حب أصبح من أعلاه مقضوض=ياسامع العاذل خسرت الرهانا
وإن كانه أقفى بين سايق و محفوظ=إقطع عنه وصلك عياناً بيانا