يالي تقول الفقر عيب رجال
 

يـالـلـي تـقول ان الفقر عيـب رجـال
هـرجـك تـرى مـاطـاح راسـي وهزه

وان كان بعض الناس يفخر بالاموال
حـنـا افـتـخـرنـا بـالـوفـاء والـمـعــزه

صـحـيـح فـقـرانً... رفـيـعـين منزال
وكـلً يـسـابـق لـلـعـلـم مـن يـــرزه

ومـن طـبـعـنـا نـكـرم ولـو مابه ريال
وتـلـقـى الـمـراجـل عنـدنا كل حزه

اليـا لفـانـا الضيـف لـه فـال وعقـال
ويـلـقـى مـع التـرحيب طيبً وفــزه

يـوم أن بـعـض الـناس تاجر ولاطال
مـن الـعـلــوم الـطــايـلـه كــبــر رزه

قال المراجل نسفة شماغ وعقال
مــاهــمـــه الا قـــولــة فـــلان رزه

ومهمـا تـقول ان الفقر عيب رجال
فـقـيـر مـال مـغـتـنـي بـالـمـعــزه


وسلامتكم

ولكم تحياتي

دايما مبدع يا الزم حدك اطيبلك
وقصيده رئعه جدا من غير مجامله
وصح لساااانك ولا هنت
==========================
وان كان بعض الناس يفخر بالاموال
حـنـا افـتـخـرنـا بـالـوفـاء والـمـعــزه
====================
وكفو والله يا الزم حدك اطيبلك
وصح لسااانك مره ثانيه ولاهنت

اخوك: بن زبون السيحاني

تقبل تحــــياتي

الله يسلمك اخوي السيحاني وماتقصر يشرفني والله قرأتك الجيده واطلاعك على مواضيعي

وصح بدنك

ولك تحياتي