مل قلبن فيه هاجوسن سرابه=جيت ابا ارده عن المسرى وعيا
ماقلب راسي ولاطير غرابه=غير هاجوس الليال الي كذيا
والسوال الي يموت بدون أجابه=يبحث الخافي ولافيها كنيا
آه يوم السيف عزه من نصابه=ليتها يابومحيا بالحميا
أدلهمي فوق قبره ياسحابه=واستهلي وأستديري هالسويا
غيمي جوه ورشيلي ترابه=خلي أرض الليث تروى منك ريا
خذمكانك والله انك لليث غابه=والله انك لليثها ميت وحيا
حل دار الآخره ياخو جلابه=جعلها لك سفرتن يابومحيا
خل قلبي من فراقك في عذابه=لوبغا ينساك ماهي بالبغيا
واهني الي غيابك مادرابه=والله انه مافقد فالكون شيا
يوم جرحي جدد الوقت اللتهابه=وأكتواء من ميسم الايام كيا

المشاركة الأصلية كتبت بواسطة محمد عبدالله الحربي (المشاركة 1254216) الله الله عزالله انك ابدعت ونادرا ماأقرأ قصيدة بهذا الغرض وبهذه القوه والجزاله لله دررررررررك من شاعر ومليون صح السانك واعتلا شانك ورحم الله فقيدكم واسكنه جنات النعيم تحيتي وتقديري لك ايه الفيصل

المشاركة الأصلية كتبت بواسطة عايض جزاء العصيمي (المشاركة 1254237) صح لسانك يابو مطر قصيده جزله من شاعر جزل رحم الله فقيدكم تحياتي لك

المشاركة الأصلية كتبت بواسطة محمد الذيابـــي (المشاركة 1254288) ,, الله يرحمه ويسمنه الجنه وصح لسااااااااانكــ,,,,

المشاركة الأصلية كتبت بواسطة أبن حشيان (المشاركة 1254379) فيصل مطر[color=#000000 ــــــــــــــــــــ[/color] صح لسانك والله يرحم ابو محيا وناسف على التاخير في الرد على هذه المرثيه الجزله الى من رجل جزل وتراني هايومين مشغول عند البل ونوب الارسل ينقطع عندنا