سلام الله على ربعي عتيبه مبعدين القوم=زحازيح الرجال اللي تجيد الطيب باشكاله
يامتعب ياولد عمي ترى ساس القروم قروم=لكن عطني علومك والعدو مشروب فنجاله

هلا يامرحباء عد النجوم الي وراها نجوم=على صيت الرجال الي تحوز الطيب والطاله
يقولون الطيور الي ترفرف بالجناح تحوم=ليا كبرت مخالبها تقص العظم وطحاله

يدوم لك البقا واللي تقوله ماوراءه ارقوم=لكن بنشدك تركي بن صنهات من خاله
يقولون العرب ياصاحبي مالك عن المقسوم=وانا اقول الزمان الشين فال الله ولا فاله

خواله من بني عمه رجالاً ينقلون ختوم=وواحدهم يكف القوم يارجال بلحاله
على سيف البحر شفنا بروقاً تعتلج فغيوم=ورعاداً صدا صوته على الكورنيش زلزاله

ونعم والله في الاد الكريزي والرخوم ارخوم=سوالي من جوابك كل راعي صدق يصحاله
ترانا مانخاف الا من الله والعدو مهزوم=رسينا مثل مايرسي كبير طويق وجباله

المشاركة الأصلية كتبت بواسطة محمد ناصر الأكلبي (المشاركة 1254003) سعد الرويس متعب المقاطي ماشاء الله قمة الإبداع صحت الألسن لكن ليش هاربين من المدرسة ترى المدير بيشوفكم في المنتدى ثم يدري بهروبكم هههههههه متابع للإبداع

ولا فيكم قصور وخلها تمشي على المعلوم=وكلاً ياعميل الخير في يمناه جواله
يدب السوس في ساس القصر لو القصر مزموم=وبعض الناس مايرهي على غترته وعقاله