الحفلة اللي جالها صيت واخبار=وصل خبرها كل واحد من الناس
حفلة زعيم المرجلة راعي الكار=شيخٍ لفعل الطيب والجود نبراس
فيحان بن ناصر مثل ضلع سنجار=شيخٍ وعال المجد اله مجلاس
حراً تسلسل من مواكير الأحرار=الطيب ساسٍ له وهو للوفاء ساس

هلا والله بنات الفكر في ليلّ السعد و الجود = هلا في محفلن جينا نبي "جده" على شانه
هلا ماهل همال المزون ودندنت برعود = عددها يالكرام يقولها فيحان و أخوانه
تقابلنا تراحيب الوفا و الطيب مثل النود = و هذا كل يوم يشهد الله حق عنوانه
هوات الطيب ترقا فالجبال النايفات سنود = لها الراس المشوهق منزله لو طال بنيانه
رفيق المعرفه يوم المعارف بعضها محدود = كبير المنزله من بيت ابوه وبيت جدانه
يقول الله يحييَّ من حضر و اليوم عيد و زود = بشاير خير شوفت ها الوجيه وقدر و ميانه
هلا و اكرر الترحيب فيكم و الثنا مردود = متى ما حانت الفرصه تجي بالجود مليانه
عليكم منه عقب العود يا كلّ الحضور أورود = يجودبها الكريم اللي هذا فعله و ديدانه
هذا والله وانا سأله يعز لدولة ابن سعُود = بلادٍ تحتوي البيت العتيق وتعمر اركانه
بلادٍ كلنا فيها سوا مابين خير و زود = منار يقتدى فيها بكل الكون و اوطانه
بها العدل العميم و كل عدل للعباد يسود = و بها الأمن الحصين و خيرها ماقل ميزانه
لها كنا ولا زلنا تحت كل الظروف جنود = ولا والله نزال و حكمنا من هدي قرانه
على درب الجدود اللي بعدهم فالزمان جدود = متى يوم الذلول وخرجها و السيف وحصانه