عيد السعد والخير والعز والطيب=ونورن توهج بالتفاخر لاهلها
على قطر دار الوفاء والمواجيب=جعل الحيا يسقي مثاني سهلها
دار الشيوخ اهل السيوف المحاديب=اهل الاصول ومكرمت من وصلها
ياعيد عيد وان كحل عينك الشيب=توك بعد ماذقت صافي عسلها
دار الحرار المعطبه بالمضاريب=صيارمن محدن يطاول جبلها
عيد على عد الروى للمشاريب=واهدا الهدايا وانتهل من نهلها
دارنا عليها ود شوق المعازيب=يسرق من عيون الغواني غزلها
في ظل شيخن منزله بالمراقيب=وان مالت الاريا برايه عدلها
ساق العزايم فوق حرش العراقيب=لين الغنايم جملت في جملها
حمد حمد واللي خلق عالم الغيب=خلا قطر دره ولاحد جهلها
خلا لها بين الثريا مقاضيب =ولا وصل فيها بعد ربع املها
شموخ اسد في هيبته والمشي ذيب=مارفت عيونه على دار اهلها