| محمد الذيابـــي |
20-Dec-2011 12:42 AM |
من قصائد جهيم الذيابـــي
هذه قصيده مختاره للشاعر المعروف/جـهـيـم الذيابي
أتمنى ان تنال اعجابكم:
لو عيوني تذرف الدمع وتكضّه =وش يفيد العين من كثرة بكاها
السبايب كلها جادلٍ غضّه=جلّ شان اللي خلقها وسواها
يا ذهب يا عقد مرجان يا فضّه =درّةٍ لا جيت أوصف حلاياها
يتعب السباح في الموج ويخضّه =يمكن الدرّه ورا الموج يلقاها =
إن لقاها قالت الناس من حضّه =وإن غدت تصفق يمينه بيسراها
ذكريات العين يوم الشعر قضّه =وبان بدرٍ مكتمل في محياها
في ملمٍ وسطه الناس مكتضّه =حارت الاقدام عيّت تعداها
قمت افرّك راس الابهام واعضّه =لحظةٍ لا يمكن الفكر ينساها
ما يلام القلب لو جضّ له جضّه =كل ما يطري على البال ذكراها
مض سيفك يا مليح البهى مضّه =خل عين السحر تكثر ضحاياها
|
