ياسلام الله على اللي لهـم قـدرٍ رفيـع=فالسنيـن الأولـه والسنيـن التالـيـه
بعد جوك أهل الدفينة وأهل وادي النقيع=الحقـوق مكملـة والمراقـب عالـيـه

مرحبا ترحيبـةٍ كنهـا نبـت الربيـع=والسلـوك مجـودة والمذاهـب غاليـه
عندنا مشروع ناجح ليا جينـا جميـع=مد يـدك الطيبـة وامسـك الفنجاليـة

البقاء والطيبة عنـد أهلهـا ماتضيـع=يالله انـك لا تعقـب المنـازل خاليـه
راعي المشروع يشري وعوض الله يبيع=وحدة مـرة والأخـرى تراهـا حاليـة

لويضيق الدرب الأول ترى الثاني وسيع=وان سلم راس الجمل يسلـم الجماليـه
أكثر الضلعان كله حجر مافيـه ريـع=لاتعـدي فيـه ويضيـع راس الماليـه

المدينـة دربهـا يالسحيمـي مايتـيـع=وان عطب راس الجمل يشكي الدلاليـه
العلـوم الطيبـة ذكرهـا دايـم يشيـع=والعلـوم الثانيـة مالـهـا منزالـيـه

إن نويتوا بالزيارة مع الخـط السريـع=وقفـوا نبغـى نفتـش بـدون اجداليـه
واعرف ان السيف محدود للي مايطيـع=أول المبـدأ نبـي نـاقـة الرجالـيـة

إن نوانا بالزيارة نعـرف انـك لكيـع=مامعـي ياكـود طاقيتـي وعقالـيـه
خلها راحت من العصر الأول يامنيـع=زادك الله كُبـر حيـث الكُبـر عذاليـه

كان ماعندك طماعة بسويبلـك صنيـع=امنعك مـن هـدة الخيـال والخياليـه
الودايـع غاليـه مايضيعهـا الـوديـع=وأنت عندك قنصليـة وعنـدك جاليـة