يالله ياللي لك عبادك يصلون=يا منشي مزون السحابه وماها
ياللي بيدك الامر يا مدبر الكون =يا فارج الكربه ومبعد غثاها
يا خالقٍ خلقك من الضعف والهون = علام ما بصدورها من خفاها
لجيت لك يا ملتجى كل مغبون=أشكي عليك الحال يا ملتجاها
إرحم فقيدِ بين الالحاد مدفون = عزيز ودروب الردى ما مشاها
فقيد للنخوه وللجود والعون =ثلاث من دور حداها لقاها
يا عناد قلبي عقب فرقاك محزون =حزني على شرواك ما ينتضاها
يا أغلى على عمك من العين والنون=أنت النظر وأنته لعينه دواها
انت الرفيق اللي على النفس ماامون.=اللي مواجيب الرفيق يحماها
يا عناد والله في قضيتك ما اخون = لو العوازم تدفع اللي وراها
واللي يخونك عساهم يولون =الله لا يبقي شلوة من شلاها
اللي مع الغادر وفعله يميلون = النايبه ترهي عليهم بلاها
يا جعلهم باللي نحسه يحسون =وصدورهم تصدأ ويكثر صداها
لك لابة عن حقهم ما يحيدون = لاشك ما تخطي وترفا وخطاها
وياذيب دام الحق في الدار مضمون =ارقد غرير العين ودرا بكاها
واصبر ترى للصابرين اجر مسنون =نفسٍ صبوره عند ربك جزاها
ياذيب ماهو بالعوض لو يقولون =لكن قضا الدنيا ونقبل قضاها
ويا الله تقبل دعوة اللي يصلون =وتجبر عزا نفسي وتقبل دعاها

المشاركة الأصلية كتبت بواسطة ذعير العالي (المشاركة 1251932) الله يرحمه وصح السااااااااانه

المشاركة الأصلية كتبت بواسطة عايض جزاء العصيمي (المشاركة 1251933) صح لسانه والله يرحم الفقيد

المشاركة الأصلية كتبت بواسطة غالب الذيابي (المشاركة 1251934) : : : الله يعين اخوي الشاعر الخلوق احمد بن شراع ويلهمه الصبر والسلوان ،، وللامانه فانني اشعر بما يشعر به من اسى. لكن اعتقد انه غير محق في بيت ورد ضمن ابيات القصيدة..

المشاركة الأصلية كتبت بواسطة فهد العازمي العتيبي (المشاركة 1251982) . صح لسانه والله يرحم الفقيد ويلهم اهله ومحبيه الصبر والإحتساب .