تو لاق الشعر في ذا الليل لاقي=يقفي ويقبل ويضرب لي تحيه
مانغوص الا البحور اللي عماقي=مانوردها مواريد (ن) رديه
بالكلام الجزل ماهوب الدقاقي=يارياجيل المعرفه والحميه
شاش راسي والهدف زاد اشتياقي=في حلال اللي يمانيهم نديه
اهم اهل العشوى موسمة الحلاقي=واسمهم معروف في خد المطيه
بأسم أذي ابراهيم واسم العم راقي=مرحبا في مرحبا والنار حيه
مرحبا ترحيبة(ن )تشرق اشراقي=من هجوس (ن )صافيه ميه باميه
حاليه حلو الحليب من النياقي=وريح مسك وريح كاد وشاذليه
ريح كمبودي ليازاد احتراقي=ريحته تظفي على نجد العذيه
مرحبا بضيوفنا ترحيب باقي=في قلوب اهل الوفاء والمقدريه
قدركم اكبر من بلاد العراقي =واكبر من المملكه والفيصليه

المشاركة الأصلية كتبت بواسطة المفتش (المشاركة 1251523) صـح لسـانك

المشاركة الأصلية كتبت بواسطة حمود بن خيشوم العصيمي (المشاركة 1251544) صح لسانك ياسعد كفو والترحيب عادة الطيبين من الرجال لاهنت