بعض مما كتبه قلمي ،، اتمنى ان يحوز على رضاكم

دكتور باب الصبر من وين؟=مجروح الايام في ورطـه!
وان طولت غيبـة الغالين=رفعت شكواي للشرطـة

***

مره وفيّ .. ودع اللي حب=والخل باقسى سهـم غـزه
تقول مسكين دمعك صب =فيك الوجل يغلـب العـزه
قلبه من الرد ثـار وشـب=واهتز هـزه .. ورى هـزه

***

جرحتني جرح يا ميـاس=مفروض تشكي الوجع مني!!
ومادام جرحك عسل لابـاس =خل النواجيـل تطعنّـي

***

بيني وبينك سـراب البيـد=يزمـي ومـره يطوقـنـي
أقرب ..وعكسي تروح بعيد!!=وأبعد ..والاقيك تلحقنـي
حبي لك أبكم وسمعي حيد=متى يقول أبك طلقني؟!

***

كذا سواياك يا خـداع؟=تحتال بالعاقـل الراشـد
تسطي على ماورا لاضلاع=تقفي وانا الساهر الناشد !!
رايح يجي حقي اللي ضاع=وكلت في الامر ابوراشـد

***

تحلف بمن شرف الكعبة=واصدق الحلف من فمّك
والصبح تتكشف اللعبه=ويبين الكذب في دمـك

***

انا اشهد انا فقدنا البشـت=في دولة السيـف والنخلـة
ابكوا وابا ابكي قهر ماعشت=وابكيـه ياليلـة الدخلـه

المشاركة الأصلية كتبت بواسطة محمد مطلق العتيبي (المشاركة 1251302) صح لسااااااااانك حتى ترضى تستاهل كلمة شاعر كفو كتبت فأبدعت

المشاركة الأصلية كتبت بواسطة فايز بن سرحان الثبيتي (المشاركة 1251327) صح لسانك ياغالب ياشاعر الكسره "