تسلطنت سلطانة الحسن والذوق = مثل الفتاة المترفة والخجولة
مثل القمر في لونها صافين فوق = نوف السنام بطول عمرك تطوله
والنايلة نالت غلا كل معلوق = ولاهي على طول المداحم ملوله
فهاقة اللي بالحسن باشت السوق = من شافها يبطي وهو في ذهوله
ما شفت في عيني ولا لاح بالموق = مثل مغاتيرن مع أزكى حموله
واليا بغت عينك تشوف أطيب النوق = تلقى الدليل بفوزها كل جوله
رثم الخشوم اللي تسوق الفخر سوق = جرد الرقاب اللي خطاها عجوله
يحق للعتبان برقا على روق = تفخر بنبراس الشرف والرجولة
مطلق زعيم المرجلة فصل وعروق = من ساس لابه كل فخرن تنوله
مطلق على الأمجاد ماهوب مسبوق = تلقى العرب والناس تلتف حوله