الهيـــــــــــــلا *** منتدى قبيلة عتيبة - الشاعر خالد العرم الشيباني

هامة الشعر
الشاعر خالد العرم الشيباني

ياهامة الشعر طيبي واخضعي طايعه
حتى اكتشف موقع في خاطري من سنين
في راسي افكار لا عطشى ولا جايعه
لكن تحب النوادر واقتناص الثمين
من رائعه كنت ادللها علي رائعه
ومواهبي غير واهبها فلالي معين
بيني وبين القوافي عهد ومابيعه
في ساحة الشعر بصمات المواهب تبين
والشهره اللي تجي من هرجهن مايعه
ماترفع الراس والطيب قوي اليقين
والسيره الطيبه برجالها ذايعه
مااستشهدوا بالمجله تفرز الطيبين
في مجتمعنا ظواهر بيننا شايعه
والناس عنها يغضون النظر مكرهين
الشعر خارت قواه من الهزل خايعه
من ينقذه من براثن زمرة العابثين
في غفلة الناس رمح المنفلت لايعه
اللي تساوت بعينه غثها والسمين
اللي ضميره لخاطر شهرته بايعه
لو شجعوه اربعه تجاوز الاربعين
الهادفه هادفه والضايعه ضايعه
والله خلق ناس لامبدا ولا ناس دين