الهيـــــــــــــلا *** منتدى قبيلة عتيبة - البارحة والقلب كنه وظيفة.. تنتظر النقد

http://www.m3anni.net/vb/images/smilies/sm80.gifالسسلام عليكم..http://www.m3anni.net/vb/images/smilies/sm80.gif

شخباركم؟

احب اقدم لكم قصيده جديدة لي يارب تعجبكم..

عنوانها(هموم قلبي)

البارحه والقلب كنه وظيفه
وهموم قلبي كنها سيد تقديم
قدام باب القلب زحمه كثيفه
تسببت لجدار قلبي بتحطيم
كلن يبى يسلم ملفه بكيفه
ضاعت حقوق القلب تصدير تسليم
لا امسى بليله كلن يسل سيفه
حتى غدت اسوار صبره محاطيم
يصرخ من جروح السيوف الرهيفه
وتمد له كف الردا لكن يشيم
يمسي على امال ن كبيره منيفه
ويصبح يشوف امال قلبه مهاديم
ياوجد حالي وجد من جاه ضيفه
ولا معه مايوجبه للمعازيم
صكت به صدوف الليال العنيفه
وادمت حياته يردف الضيم بالضيم
ياوجد حالي وجد من جا وليفه
شافه بيد الغير حب وترانيم
شاف الوليف الي حلف مايعيفه
من ديرته في ديرة اعدائه مقيم
دموع عينه دم و حاله ضعيفه
مستقبله دونه ضباب وتعاتيم
هذا مثال ن للي همه حليفه
الي بدنياهم قضوها مظاليم
وانا اتقاسم حالهم بالنصيفة
وهموم قلبي كنها سيد تقديم
والله يعين الي بقلبه وظيفه
والي خطاه الهم حظ وتقاسيم

وسلامتكم

ارائكم وتقييمكم

رائد