ياجماعه ويش اسوي كل رمه=واقفن لي في طريقي بالهشيمه
وان بغيت أبللا البلا واسقيه سمه=لياء الظعيفه مالها عند خصمه
والهذاري والدوي الي يلمه=مايجيله عند صاحب عرف قيمه
والردي دايم خصيمن لبن عمه=رايحن له دايمن مثل الشكيمه
لياء بغاه اوذاه ولياء جاز ذمه=خايبن من حطله قدرن وشيمه
كل يومن سارحن يومي بكمه=والحصيل عروض ربعه والنميمه
ون عطيته وجه جاب ألك المطمه=مايداري نعنبو هاك الوسيمه
جاب الاقصى شتل والادنى يخمه=فاقد الاحساس وعضامه سليمه
لاتغرك ذمته بياع ذمه=لايجير ولا يجار من الظليمه
موتليه أبليس لين أزداد همه=عن وساع الطرق تبعده الحريمه
وانت لوتعطيه لين يسيح دمه=مات ماطاع الشايطين الرجيمه
وكل خبل ف العرب نقال نمه=يقبل الهزعه ويرضى بالهزيمه
مار من تقيدير غيره خابة امه= تترك المجنون وتفك البهيمه

المشاركة الأصلية كتبت بواسطة محمد الذيابـــي (المشاركة 1248068) صح لسااااااااااااانكـــ ما فيك حيله,,,,

المشاركة الأصلية كتبت بواسطة عايض جزاء العصيمي (المشاركة 1248074) فيصل صح لسانك والله ملااااااااااااااااااااااايين قصيده رائعه وشاعر اروع تحياتي لك

المشاركة الأصلية كتبت بواسطة محمد مطلق العتيبي (المشاركة 1248081) صح لساااااااااااانك يبن مطر وافيه من وافي

المشاركة الأصلية كتبت بواسطة أبن حشيان (المشاركة 1248362) راعي الزرقاء صح لسانك ياسنايدي والله ماقصرت عبرت بكل جداره ولاعندك اشكال تقديري لك بكل احترام ياراشاعر ياكبير