عودي علي بسرعةٍ تسبق البرق= عودي ترى الفرقى تهدد حياتي
يا منيتي من بيض من سمر من زرق= يا رغبتي يا غايتي يا غناتي
امشي من الطايف على وجهه الشرق= ارجو التوجه بأسرع الطايراتي
صحيح من قال العذارى بهن فرق= الاسم واحد مير متخالفاتي
في جرح قبل و زوده بعدكم حرق= واصبحت احسب سيتي واحسناتي
انت درقتيني بدعوى السفر درق= عسى عدو عينج يسوي سواتي
تطرق ضلوعي من سبب بعدكم طرق= القلب يضربهن وهن مقفلاتي
وانوح نوح منوحاتٍ من الورق= لا شفت بعض اثيابج معلقاتي
هذا محل الضحك والمزح والقرق= وهذا محط المعطفه والعباتي
موتي حدث ماهو بذبحٍ ولا غرق= شهيد حب امواجج المرسلاتي

المشاركة الأصلية كتبت بواسطة علي الثبيتي (المشاركة 1247594) لله درك يامحمد اختيار رائع ياليت تجيب لنا قصيدة خلف ابن هذال اللي يقول كل ماصادفت لي بعض الايام انبساط حسني ماحس فكري ولو شياً بسيط

كل ما صادفت لي بعض الأيام إنبساط.=حسني ما حس فكري ولو شي بسيط
كن في قلبي مكينة فلاليح النشاط.=تنزف الما في لجاها من الجم الغويط
المحبه شانها شان عهده وإشتراط =والجمل يبرك ليا حده الحمل الشطيط