ليا جاء طاري السلي عتيبة = تقول ونعم وخيار الدلايل
كرمهم في القسا وليانه = وصطوتهم ولطمة كل عايل
حبردي والحبردي فيه ميزة = ليا جيب الجمل والجمع صايل
خذو حبله وصارو له حمايه = وبنت الشيخ ضافية الجدايل
عليه تصيح وتزغرت وتنخا = هل النخوة مروين السلايل
وطلال بوقعته يشهد شعيبه = على مركاضهم قدم القبايل
تزهل به ذهين ولاتدرا = ولا طاوع مسوين الحبايل
فعايلهم كبار ولاتعدد = كبار مثل حجم جبال حايل
هذا قولي وصلى الله وسلم = على محمد عدد وبل المخايل