ياسعـد شفـتـه ..وشوفـتـي مابـهـا فــود=عــوّد عـلــي الـحــزن والـهــم لـــي عـــاد
يـالـيـت بـــاب الـبـيـت ســاتــر ومــــردود=ولاشـفـت انــا فعيـونـه الـمــوت والـحــاد
يطري علي امن الزمن مامضى اعهود=وبكـت انـا عيونـي.. ولـيـت البـكـا فــاد
ام الـعـيـوم الــســود وام الــهــدب ســــود=ياكن جمال الخلـق فـي شخصهـا سـاد
ام الجـديـل الـلـي عـلـى المـتـن مـكــدود=ومـن اشقـر الحنّـى.. عليهـا الـحـلا زاد
وامبيسمـن لامـن ضحـك.. ثغـر مولـود=وإلا ابــــو ثـنـتـيـن مــــن عــقــب مــيــلاد
لامـن تنـسـم صاحـبـي.. عـطـر وورود=ريـح الخـزامـى والنـفـل.. واطـيـب الـكـاد
ام الـخـدود الـلـي ماهـيـب ايّـــة اخـــدود=كـــن الـشـفـق مـــن لـونـهـا لــونــه ازداد
ومابيـن جنبيها..خصـر حـيـل مـشـدود=خـصــر هـنـوفـن حـرّمــوا شـوفـهـا الـــزاد
متبـاعـد الكتفـيـن ..فــي مـوسـطـه زود=مـتـقـاربـن طــولـــه ..ووزنـه..والابــعــاد
واحـدود وصفـه صاحبـي مالهـا احـدود=شوف الخلايق شوف مثلـه فـلا اعتـاد
متكاملن فـي الوصـف.. ولافيـه منقـود=وزاد الجمـال الزيـن مـن نـسـل الاجــواد
بـيـنــه وبـيـنــه ياسـعـد..حـالـوا اجــنـــود=ذولا بـــنـــي عـــمـــه.. وذولاك حـــسّــــاد
وحـالــي غـــدا مـابـيـن نــــارن وبــــارود=عـــزّي لـحـالـي يـاسـعـد راح وش عــــاد
قـالــوا لـهــا حـظّــك وذا الـحــظ مــقــرود=جـربـتـنـا حــظــي.. وذا الــحـــظ مــافـــاد
وسـنـدت لــك قـافـي ابــي مـنـك مـــردود=وفــي انتـظـار الــرد عـلــى جـمــر وقـــاد