الهيـــــــــــــلا *** منتدى قبيلة عتيبة - صتع اليهود الي لها الفيت تثير فيها لنا نفعن وفيا مضرات

هذه القصيده مهداه الى النقيب / محمد المرشد

ليا دعانــي داعــي الـــــشعريـــا منيــــر= هات لقلم والــبــوك واكتبلـي ابيــات
بنـــات فكــري يـــوم جنـــي منــاحـيـــر = معاد فيها يابـــن عمـــي مــــراوات
يامــا حــلا بيـن الصــلاتيــن وعصيــــر= مرواح فكسارن على اربع مسارات
مثل الشهـاب الـــي هــوتبـــه مقــاديــــر= واســرع من اللي صـــممته الولايات
ولحقه من الماشين مطنوخن على السيــر = نفس المديل ونفس كل الحــركـــات
وصفن كما صفت فصيــل الطـــوابــيـر =كلا يبا يطلع على الثانــي ولاجــات
صنـع اليهود اللــي لهـــا الفيـــن تاثيــر = فيهــا لنا نفعــــن وفـيــها مضـــرات
الله يــــــسفـره للــوجـيــه المـــــــسافـيـر = وميقافهم فـالعـاصـمة بعد ســـاعات
دارن لهـــا عنـدي معـــــزة وتقــــديــــر = وارجو عساها للمطر كل الاوقــات
وليــا وصـلتـو يــاالنشـامــا علــى خيـــر = عــدوه للمـرشـد وخصــوه بـــذات
محمد المـرشـد مــن رجــال مشـــاهيـــر = اللي لهم في صفحت المجد بصمات
نعميــن بـــا لمـرشـد ونعميـــن بـمطيـــر = اهـلا الكـرم والجود واهل المروات
عطـــوه خـط فـــــي شـــــرح وتعبـيــــر =ويحمــل بطيــاتـه جــزيـل التحيات
شكرن وعرفــــان ومعــــزه وتقــــديــــر = والله يــجمــل حـال راع الجمـلات

ابوتركي العطاوي