تلوح البروق وينزعج قلبي الحساس=واخيل السحايب والحق الونه الونه
ليا شفت برق الوسم عني يطير انعاس= انا احب برق الوسم ماداني الكنه!!!!!
تسابق ثعوله فوق نبت الوطاء اليباس=وتحيا عروقن لاهب القيض ذاقنه
على بارقه يطري على خاطري هوجاس=يحمس الضماير والضماير يحمسنه
يطرّي علي اللي غلاها بدون قياس=هنوفاً تحكم القلب غصبن بلا منه
الى شفت نجلاً خادره ذابله نعاس= يضلل على نصف المحاجر هدبهنه
وعنقاً يتوج بالبها صافي الآلماس=وخصراً نحيلاً والردايف يشيلنه
اسلم مفاتيح الضماير بكل احساس=واقول استلم لكن خفف عليهنه

تهيج البحور.! وتتعب الماهر الغطاس=وعن سلوته وارضاه يمكن يحدنه.!
وانا مبطي(ن) ماخذت لي فالهواء مرواس=اجنب عنه..لوّ ( إ)ن الاشواق يبـغنه
وحداني عليه الشاعر الماهر النبّراس=بيوت (المبرمج) باب الاشواق فكـنه.!
طرالي وليفٍ له (بصرح الغلا) .!مجلاس=فراقه عذآآب/ وقربه يشابه الجنـه
كساه الحلا من حد مطاه لين الراس=عساني فداء عيناه والا.! فداء سنه.
وصوفه ذهب ..والغيد جنبه تقول نحاس=جماله فرق واخذن عهد مايمارنــه.!
مغير ايتثنى كل / ماهبه النّسناس=ويومي جديله .. للهبايب يكدنه
عليه اذكر الله من نواظر جميع الناس=وخفوقي على لاماه يقرع كما الشنـه.!

المشاركة الأصلية كتبت بواسطة سعد بن مطلق المقاطي (المشاركة 1246911) وخـفـوقـي عـلــى لامـــاه يـقــرع كـمــا الـشـنـه.! الله الله صح لسااااااااانك ولسااااااااااانه