تعال ضاقتبي وساع البيد وينك يالقصيد= أبطيت ثم أخطيت وأنا أبطيت والساري سرا
سرابي اللي يا قصيدي لا يبيد ولا يهيد= وأنته منول كنت لي عن صد غاراته ذرا
همي سرابي يا عضيد الجنب يا نعم العضيد=من غيرك البلسم لجرحٍ في ضميري ما برا
يافزعتي يا فجعتي من سطوة الوقت العنيد= إن جيت أبا أتقدم عناد الوقت يرجعبي ورا
الد عيني للسماء السامي وعينه للصعيد= والفرق واضح والثريا ما تجي حول الثرا
هذي سنه يا قافي الموزون ياعذب النشيد= وأنا اتحرا وإنتضر رجعتك كله في حرا
عوبا من الغيد الحسان أجفل من الضبي الفريد= اقهر بها قلب الحسود ويدري اللي ما درا
حتي ليا قالو يا عبدالله نبي منك الجديد= أسل سيفٍ من سيوف السحر وارد البرا
وأقول صلى الله على الهادي وسيد كل سيد= صلو على محمد صلاة الله على سيد الورا
المصطفى الهادي مقر الطهر والمجد التليد= أجل واتقى واشرف إنسانٍ على بالي طرا
إرسل هداية للأنام وللقريب وللبعيد= آية من آيات السماء ما هو كلامٍ ٍ يفترا
الرشد من رشده ومن غيره ليا قالو رشيد= مسيرةٍ يلقابها الهالك وثيقات العرا
نور طعن ظلماء العقايد وابتدئ عصرٍ مجيد= حييت يا نورٍ من الله شع من قمة حرا
من مكة أشرق نور دين وعز ما والله يبيد= لين استنار الكون من نورٍ طلع في أم القرا
جاها وهي عن طاعة لأوثان لا يمكن تحيد= قال الكبير الله ولا غيره بذا الكون أكبرا
ثم حطم الأوثان بالتكبير والسيف الحديد= في حد سيف حد بين الايمنا والايسرا
الأيمن إن الله هو الخالق وخلق الله عبيد= والايسرا شركٍ تغلغل في المداين والقرا
فجرٍ بجد صدر الظلام وبدل الكفر العتيد= بالدين والقرآن والسنّة وحد الأبترا
تمم مكارم وأكرم ألامه بمنهاجٍ فريد= يصدع بما يؤمر ولا عمره كتب ولا قرا
أرق من ذار الهوا وأطهر من النو السديد= ولهيبته تخضع ملوك وروس قاده وومرا
هذا لذي والله ليا قالو فقيد أكبر فقيد= لعلنا نأمر بما يأمر وننكر ما أنكرا
ألا نبي نسأل بعضنا وش كنزنا من رصيد= وليا ذكر صفوة بني آدم من الذي يذكرا
يا هل ترا حنا على نهجه نفيد ونستفيد= ولا نهار الحشر لا نادا (أمتي) يا هل ترا
نارد على حوض النبي ونقول يا هل من مزيد= لا واهني اللي ورد حوضه وعل وصدرا
وألا نعود للعذاب وللجحيم وللصديد= يا الله عفوك يوم نحشر في نهار المحشرا
لعل من يطلب جديد الشعر يطلع بالمفيد=وأنا ادري إن أكثر هذا المجلس عوارف وشعرا
العذر يا نقادة الأشعار بالنقد السديد= إن كان شعري بالذي في خاطري ما عبرا
أخير ما يختار هاجوسي من بيوت القصيد= الفارعات الفاتنات الباهرات الندرا
وليا كتبته في رسول الله وسيد كل سيد= صلوا على محمد صلاة الله على سيد الورا