أبراهيم الشيخي
أقبح الشعر شعر يمر ويروح عادي *** وأحسن الشعر شعراً فيه معنا وفاده
كان عبدالحميد يعيش حبس أنفرادي *** وأصبح اليوم متفوق بقوه وأراده


عبدالحميد الفهمي
لاحياة على ماقيل يالي تنادي *** كان عينت من يوحي لنا صوت ناده
كان دوري ولاذلحين دوري ريادي *** مانجول الديار مدورين الريادة


أبراهيم الشيخي
ويش يوصلك عند مشجعين النوادي*** وأنت شيخاً هذا سيفه وهذا شداده
أنت شرواك لو راسل بنوك البلادي*** نص ساعه وترسله قرار أعتماده


عبدالحميد الفهمي
كيف أصدقك وأنت تشجع الاتحادي*** مثل هذي على مثلك تراها نقاده
وزعتي في الامان وعزتي في بلادي*** هرج مراً مرير وهرج سكر زياده


أبراهيم الشيخي
ما تعلق بشياً مايحقق مرادي *** وأنته لا اعجبك شي تروح له في بلاده
يكسب الجوله الي يرفع الاقتصادي *** وأنت رزقك معلق في جناح الجراده


عبدالحميد الفهمي
لاتبنى الحياد الين تصبح حيادي***أنته العام خليت الوطن للشهاده
كم فهوداً تصيد وكم فهوداً تصادي***وأنت لك جرةً مثل الجمل في قياده


أبراهيم الشيخي
عالماً يجحدون النور والنور بادي*** مايعالج نواظرهم طبيب العياده
بكره المجرمين يحركون الروادي *** يحذفونك خلا ويكبرون الوساده


عبدالحميد الفهمي
كل دوله تحجج بالقرار السيادي *** بعد مادون التاريخ عام الرماده
تدري أني مولع نيرتي من زنادي*** وأنت وش لون عاد الي عليك أعتماده


أبراهيم الشيخي
ليت عندي على الايام صبر المهادي*** كان فصلت لك مفتاح باب السعاده
تحسب أنك شباب الياء صبغت السوادي***فيه شياً في قلبك كيف تصبغ سواده


عبدالحميد الفهمي
اصبر اصبر وخلك يابراهيم هادي***مافهم طالبين أقليل الزاد زاده


عسى أن يحوز على أعجابكم وللمعلوميه هذا القاف كان قبل إنطلاق شاعر المعنى بشهر واحد