البارحه واليوم بين التفاكير = اخذن قلبي مابقى الا محله
سرح به الهاجوس مع شلعة الطير = قدام كل الناس محدن فطله
وجالي على المعنى ورود ومصادير = وغنيت يومن البيوت استوله
اعدل القيفان مثل البواكير = وليا عصى من بين عشرين اتله
هيضتني حتى تهيضت يانعير = وانا منول تارك اللعب كله
يانعير ياناطح وجيه المناحير = اليوم كلن قام سيفه يسله
دنيا تحط ألك العقد والمسامير = وغيرك تجيب اله العسل في محله
خلصت من كثر التعب والمشاوير = واتابع اخبار العرب فالمجله
ودني اخذ معك واذكرك بالخير = والا عن الماضي طويت السجله
اخذ الكتاب وفيه تلقى التقارير = ولا تنشد الشايب عن اللي حصله
انا خوي للرجال المناعير = واليا مشيت الدرب عيني تدله
وبعض القصيد يمر من غير تاثير = راعيه قام وحط فالنار جله
تمت وجعل الخاتمه كلها خير = وان كان به عقدٍ عسى الله يحله

المشاركة الأصلية كتبت بواسطة سيف نت (المشاركة 1244953) صح لساااااااااااااانه

المشاركة الأصلية كتبت بواسطة نايف النشمي (المشاركة 1244965) صح لسان ابو ماطر......وهو الشاعر الجزل في كل اموره......ومشكور ياذخر برقا على هذا النقل وياليت تاتي لنا بقصيده الاخر حتى يطلعون عليه متابعي المنتدى

المشاركة الأصلية كتبت بواسطة محمد الذيابـــي (المشاركة 1244986) ,, صح لساااااااااااااانه,,,,,