الهيـــــــــــــلا *** منتدى قبيلة عتيبة - ياعبدالله يا عبدالله ترى الدنينا عليك تدور=تبينا نفتح ابواب القشر والا نقفلها

عبدالله القثامي

انا يطري علي شطرٍ قديم وقايله مستور=(بهيبتنا كسرنا القوم قبل إنا نقابلها)
يامستورالعصيمي وش بقى في عيادة الدكتور=احد منكم يقصرهاواحدمنكم يطولها

مستور العصيمي

أنا يطري علي انك مقابلني بدون شعور=ومن جاني بدون شعور لابده يحصلها
يا عبدالله ولد منصور انا برضي ولد منصور=ترا ما كل شاعر قبلي اشنابه يفتلها

عبدالله القثامي

احد عاقل واحد جاهل واحد منهي واحد مامور=واناعقلي معي واورد الحايم مناهلها
أنا ادري انك ولد منصور لاكن شايب(ن)مغرور=وباقي كلمة(ن)بين العرب ماني بقيلها

مستور العصيمي

ولا ياحاكم الخرطوم هد الحرب في دافور=ترى ما للمجنن يالبشير الا سلاسلها
ياعبدالله يا عبدالله ترى الدنينا عليك تدور=تبينا نفتح ابواب القشر والا نقفلها

عبدالله القثامي

والا يا ريس إمريكاء طوانا قبرك المحفور=علومي حطها في مخ راسك لا تجاهلها
ولايا قايد المضهور لا يسري بك المضهور=تطولها تحمله تقصرها تحملها

مستور العصيمي

انا يا صاحبي كم قلت لك لا تقرب المحضور=ترى ما فيه لقمه في الصحن تبرد وتاكلها
تريح يالقثامي وجعل الدنياء فرح وسرور=ترى بنت الهوى ما كل رجال يغازلها

عبد الله القثامي

وانا كم قلت لك يا عسكري داقش مع الطابور=ترى دنياك يامستور ما تقدر مشاكلها
ولا يادرع جنبي وش تبي في شقرة الباكور=اغازلها وابا اخطبها وابا انهبها واحللها