صاحبي عوده ليان لياء ثنيته=مودمين كنه الداب يتلوى
مودمين طول عمري ما لقيته=ما لقيته في عيال آدم وحوى
والجديل الي عليه لياء رميته=قام يسترسل طويله ويتطوى
باعني في تال الايام وشريته=والمهر بس باستين وقرن حوى
ون شكيت ل سيدي حال وبغيته=قام يستكبر عليه ويتقوى
ما يساندني ليا مني نخيته=عاصين مبطي وتال الوقت عوى
وأخلف الميثاق معي وصك بيته=كن ماوده مع الناس يتهوى
حالفن بالله ل أقول لياء لقيته=السوايا الي كذا ما تنتسوى
من يقول ان ما شكرته ما شنته=يا الخطيب الي من المنبر تبوى
ماخفاك الزند في وقتن نسيته=يوم صوان الدهر شباب ظوى
صخت يوم الذيخ شاخ وشاع صيته=والطلي شفته على السرحان خوى
قلت انا الي كيت يوم الوقت كيته=وانت سارحتن من المال المظوى
لو ماخذت العلم منك ولاعطيته=خابر انك بالمكاوي تنتكوى

المشاركة الأصلية كتبت بواسطة عايض جزاء العصيمي (المشاركة 1243682) فيصل صح لسانك على هالقصيدة الرائعه تحياتي

المشاركة الأصلية كتبت بواسطة أبن حشيان (المشاركة 1243701) الشاعر/ القدير فيصل مطر الله اللــــــــــــــه ماجمل ماتقول من الفردات المشفرة التي لايفهمها ولايكتبها الاشاعر جدير بالثقه بالنفس وعنده تمكن من صياعت الكلمة على مايدور في باله الله لايهينك ويمتعك بالعقل والذكا الخارقين والتي لايملكها الاالقليل من الشعار اتمنا ان تكون بصحه تامه ولك تقديري واحترامي

المشاركة الأصلية كتبت بواسطة سعد بن مطلق المقاطي (المشاركة 1243990) صح لسااااااااااااانك