الاخ ابن هوازن دائم مشاركاتك رائعة
واسمح لي ان اكتب ما اعرفه من قصيدة بخيت

يقول الشاعر اللي من ضميره يبدع القيفان @@ يغني له بقيفان تنشط من يغنيها

انا هيض عليه قوم ابن عايش وابن جرشان @@ يقودون الجموع الهول قلنا يا مجافيها

بعد ما لمها ابن حمود راح العلم لثنيان @@ يقول ارواحكم والبل علاها من يوريها

يقول الصادرة جتنا تدافع كنها الظلمان @@ ويا مسعدك يا حظ على ربعي مضويها

يبون اقطاعنا اللي مذخرتنا شعب الايمان @@ ويا مخبلك ياللي من ورانا طامع فيها

تعصبنا وقلنا العزوة اللي من على الجدان @@ مذاخير الجدود اللي عسى الجنة مواتيها

ولحقنا فوق زلبات زهنا الجوخ والشيلان @@ تزايد بالحبال وصفحة الخدين تعطيها

وخلطنا الخيل فوق الجيش والبارود له ربان @@ وراح الذبح والمردود فاولها وتاليها

وياكم سابق قزت وطاحت وخر فالميدان @@ موقعة برمتها على مثنات راعيها

ألا يا ذيب صفوة ناد ذيب في طرف عردان @@ وتنادي يا طيور الجو طاحت لك نواديها

ويا ليتك تشوف افعولنا يا لابس الجران @@ نخرطها من ارقاب النشاما يا تواشيها

ويا ليتك تشوف افعولنا يا محمد السلطان @@ على جال الدفينة ما اسعد اللي حاضر فيها

نصفي شوخهم تصفاة ريم حازم هكنان @@ يجنب عن حثاث الحزم والمقراة يعطيها

والا ياضبعة في الخال دوك معيض ابن جرشان @@ مخرمة ضلوعة حربة شبرين اذانيها