الهيـــــــــــــلا *** منتدى قبيلة عتيبة - ياماصبرت وكل ماتخطي اعذرك ..

السلام عليكم
اقدم لكم قصيدة جديدة يارب تحوز على رضاكم

مقدمة:
لحظه قبل تمشي ودقق فالنقط
والحروف اترك لها الحبر بتبوح
دام حبي من على القمة سقط
كلمتين وروح يامسبب جروح
(ياحسافة كل هالعشرة فقط)
والجروح تهون شهرين وتروح

القصيدة بعنوان

( ياماصبرت )
ياما صبرت وكل ماتخطي اعذرك
واقول لك ياصاحبي روح مسموح
ارفعك فالقمة واعزك واقدرك
واعطيك بلحالك فقط منزل الروح
وانت متغيّر صدق مانيب خابرك
تعشق جفاء منهو على الحب مفضوح
اثرك تبي تلعب كما لعبة السيرك
تجعل حبيبك لعبة بداخل اللوح
ماتدري ان الللعب فالحب يدمرك
وانته دمرت الحب ياعاشق الدوح
كسرت خاطر من جبر كسر خاطرك
وخليتني في موجة الحزن وتروح
هذا فؤادي روّح الله يواجرك
روّح وهو في بركة الصد مطروح
الا ياقلبي فالكسر من بيجبرك
لاصار كـسرك من حبيبك وش تنوح
خلك وانا بحاول اجبرك واكـسرك
لعل تتعود اذا جاتك جروح

وسلامتكم

نقدكم اساس النجاح وتقييمكم هو مانطمح اليه

رائد;)