يامن نشد عما حصلي وما صار=
أقلوبنا ماظن يفنا صبرها=
ولاا فيه ع المكتوب مجنب ومعذار=
والنفس ماتشقى لاجاها قدرها=
هذي حقايق ماعلى وجهها اغبار=
والعاقل الي عارف (ن) مانكرها=
لابد مايصبح ع الوقت صبار=
وياخذ من ادروس الزمان وعبرها=
البارحه يامن نشد جتك الاخبار=
واسمع لمنطوق الرجال وخبرها=
صلنا وجلنا في متاهات الامطار=
في ساعت (ن) قشرى وقرب خطرها=
عنيت ساقي مع طويلين الاشبار=
ونفس الكفو ماعاد يقبل عذرها=
مع كل صوبن للخطر سرت سبار=
في ليلتن عيا يضوي قمرها=
ادعيك يامعبود واستر ياستار=
روح الضيعف اليوم يارب جرها=
ماله مناص (ن) لا يمين (ن) ولا يسار=
واخلاقه اليومه تزايد كدرها=
صحيح عزمه يشبه للضلع سنجار=
لكن ضيع بصرها من بصرها=
شارو عليه اهل الوفا قوم الاشوار=
واهل الوفا لابدنا نشتورها=
اطلع مع الباصات من غير تحتار=
والنفس هديها وجنب قهرها=
قلنا توكلنا على النافع الضار=
لوكان جا للنفس جبرن وكرها=
وقفت لي باصن وسايقه طيار=
وسجارته بيديه يقدح شررها=
من واردين القوسين رصص للافكار=
وبجيويبه الاثنين وثق صررها=
داس الابنص ولدو الناس الانظار=
قصده على الركاب يلفت نظرها=
شد المليح فترس للسيل عبار=
\واكبر سيولن واجهتنا عبرها=
حتى وقع في جرف مامنه مندار=
وبحور جده فيض الما بحرها=
مجنون مدري خبل فيه الفكر حار=
طش الثياب وغبت الما طمرها=
ابوك يالملعون مثواك للنار=
هاك السيول الجارفه تحتقرها=
واصلت عقب مشواري عقب طول مشوار=
حتى ان ساقي سبب الما خدرها=
جاني الفرج من بعد ماذقت الامرار=
يوم ان سالم طارت الجيب امرها=
متوجهن يمي معه عزم واسرار=
كفه عن الفزعات ماقد قصرها=
ماهي غريبه حر من ماكر احرار=
نفسه عن اعلوم الخزيا نهرها=
هذي علومي يالذي قلت وش صار=
وهذي علوم الغارقين وخبرها=