البارحه ليل الشقاء طـال وأجتـاز=آخر حدود الصبر فـوق أحتـرازه
ثلثين ليل أقفن على غيـر ماجـاز=وثلث ٍ قدح كبريت نـاره وقـازه
طالت وصمتي حيّره فـك الألغـاز=ومشروع لي فنجال سمه وأجـازه
والصعب يسهل في جوابه والأعجاز=ويا هون حله لاكسـرت أحتجـازه
والعبره اللي دارجه فرد وأجـواز=حارق مدارجها يفيـض أنحيـازه
ياعين دمعـك فالمحاجـر لياحـاز=ماقلت عفي عن محاجـر عـزازه
كفي زراق الملـح ماعـاد يعتـاز=كثر البكاء مـارد فقـد الجنـازه
الكلمه اللي من مذاخيـر وأعـزاز=تهايلت بطويـق عقـب أرتكـازه
من جورها ثقـل الثقيـلات يـرّاز=وتقصر وتين اللي بعيـد ٍ مـرازه
وأنا أستندت لحملهـا دون معكـاز=والبيت ثابت فوق ساس أعتنـازه
المشكلـه لاصارفالجـوف حـزاز=لوكان مالي من ورى القصد عازه
أنا أعرف النادر وفرقه عن البـاز=وفرق الحرار بطلعها عـن لـزازه
واللي يبا الطاله على كـل مركـاز=يبدي على العليـا وغايـة مفـازه
واللي تراخت به عضوده ولاهـاز=يشره على حبل ٍ قصر عن منـازه
والمرجله ماكل مـن هازهـا فـاز=ولاهيب في ملك اليديـن وحيـازه
ثنتين مكسب فالصعيبات وأنجـاز=جويد مبناها فـرق عـن قـزازه
الدين والدنيا على رووس الأرمـاز=عالـي مقـام برفعتـه وأمتيـازه

المشاركة الأصلية كتبت بواسطة محمد الذيابـــي (المشاركة 1240437) ,, صح لسااااااانكــ لا هنت ياسعد... ,,,,,,

المشاركة الأصلية كتبت بواسطة أبن حشيان (المشاركة 1240558) الدين والدنيـا علـى رووس الأرمـاز ***عـالــي مـقــام بـرفـعـتـه وأمـتـيــازه اخوي سعد المسعودي صح لسانك ملايين قمت الابداع واختيارات للمفردات الصعبه والجزله كما عودتنا دايم الله لايهينك تحياتي الك