الشرهه اللي بيننا كبر ابانات=وطويق والعارض وثهلان والنير
شرهت غلاء ماهيب شرهت شماتات=شرهت إعتاب ماتنقص لتقدير
لايخدع المخلوق كثر الملذات=باب الوداع الناس قدمه طوابير
ودنياء الفناء قد قيل عنها ام غرات=تضحك وترمي من سهوم المقادير
احيان نقبل عذر بعد المسافات =واحيان مانقبل كثير المعاذير
لاجات من مثلك ومنك انت بالذات=اللي يصير انقول لايمكن يصير
ياكبرها كبراه وشلون ذي جات=وانا احسبك للوقت ضمن المذاخير
كم عاش نوح وكم مضى عقب مامات=ماكنها الا طلعت الشمس لعصير
لونتعض فيما انزل الله من ايات=اعمارنا يدوب سجده وتكفير
وحنا طراقي والمزاهب خفيفات =والزاد كم تهليل يذكر وتكبير
وإليه على مثلك من الناس شرهات=لو إن إلك فالمنزله منزله غير
شرهت غىء ماهيب شرهت شماتات=ولولا التشره ماعرفنا المعاذير